काठमाडौं,
नेपाली सेनाले पनि ‘पृथ्वी जयन्ती तथा राष्ट्रिय एकता दिवस–२०७७’ विविध कार्यक्रम गरी मनाएको छ । दिवसको अवसरमा एकीकरण पदयात्रा समापन गरिएको छ भने प्रधान सेनापति पूर्णचन्द्र थापाले सोमबार जंगी अड्डास्थित पृथ्वीनारायण शाहको शालिकमा सलामी तथा सम्मान अर्पण गर्नु भएको नेपाली सेनाले जनाएको छ ।
दिवसको अवसरमा नेपाली सेनाले पुस १८ गतेदेखि नैं देशका विभिन्न स्थानहरुमा विविध कार्यक्रमहरु सञ्चालन गरेको थियो । सञ्चालित कार्यक्रमहरुमध्ये गोरखा–काठमाडौं एकीकरण मार्ग पदयात्रा उल्लेखनीय रहेको सेनाले जनाएको छ । जुन पुस २१ गते गोरखाबाट सुरु भई पुस २७ गते हनुमान ढोकामा आएर समापन भएको थियो ।
पदयात्राका क्रममा हिमाली, पहाडी, तराई तथा काठमाडौंका नेवार समुदाय लगायतका सबै क्षेत्र र समुदायको प्रतिनिधित्व हुने गरी राष्ट्रिय एकता झल्कने बाजागाजा, झाँकी, लाखेनाथ सहितको सांस्कृतिक प्रस्तुति गरिएको थियो ।
