स्वस्थानी शर्मा,
सुरुवात गर्नुछ यहाँ एक सुन्दर युगको
अनुभव बटुल्नुछ यहाँ हर एक चिजको ।
बाल्नुछ दियो यहाँ फरक परिवेशको
रोप्नुछ बिज यहाँ एक नयाँ अभिलेखको ।।
गर्नुछ कुरा यहाँ अब हक र अधिकारको
हाम्रो निम्ति दायित्व खै त हाम्रो सरकारको
जुट्नुछ अब हामी हातमा हात मिलाई
पुग्नुछ फेरि शिखरमा कदममा कदम मिलाई ।।
इतिहास पढ्नमा हैन अब बनाउनमा जुट्नुछ
सबै मिलि एउटै लक्ष्य नयाँ नेपाल बनाउनुछ ।
अग्रजले जोडेका पुराना बस्तुहरु बचाउनुछ
नेपाली भनि गर्व गर्न अस्तित्व हाम्रो जोगाउनुछ ।।
