एजेन्सी,
अमेरिकाकी नवनिर्वाचित उपराष्ट्रपति कमला ह्यारिसले कोरोना विरूद्धको खोप लगाउनु भएको छ । खोप निर्माता कम्पनी मोर्डनाले बनाएको खोप ह्यारिसले मँगलबार लगाउनु भएको हो ।
उहाँले कोरोना विरूद्ध खोप लगाइरहनु भएको दृश्यलाई टेलिभिजनबाट प्रत्यक्ष प्रसारण गरिएको थियो । अमेरिकामा कोरोना खोपलाई लिएर आमअमेरिकी नागरिकमा रहेको संशयलाई चिर्न त्यहाँका राजनीतिज्ञहरूले प्रत्यक्ष खोप लगाउने गरेका छन् ।
खोप लगाइसकेपछि उपराष्ट्रपति ह्यारिसले आफूलाई कतिखेर खोप लगाइसकियो भन्ने थाहा नैं नभएको प्रतिक्रिया दिनु भएको थियो । ‘म सबैलाई यो खोप लिन भन्छु । यो लगभग दुखाइबिनाको छ । यो सुरक्षित पनि छ, मलाई वैज्ञानिकहरूमाथि भरोसा छ’, उहाँले भन्नुभयो ।
