काठमाडौँ – वाग्मती प्रदेशका मुख्यमन्त्री तथा एकिकृत समाजवादी पार्टी राजेन्द्र पाण्डे धादिङ प्रतिनिधिसभा क्षेत्र नम्बर १ बाट विजयी भएका छन् । एकीकृत समाजवादीका बरिष्ठ उपाध्यक्षसमेत रहेका पाण्डेले ३५ हजार ९ सय ३४ मत ल्याई विजयी भएका हुन् ।
उनले निकटतम् प्रतिस्पर्धी एमाले उम्मेदवार भूमिप्रसाद त्रिपाठीलाई ७९८१ मतान्तरले विजयी भएका हुन् । मुख्यमन्त्री पाण्डेले ३५ हजार ९ सय ३४ मत ल्याउँदा निवर्तमान सांसद भूमिप्रसाद त्रिपाठीले २७९५३ मत ल्याएका छन् ।
यसअघि २०७४ सालमा पाण्डे वाग्मती प्रदेशसभामा उम्मेदवार बनी विजयी भएका थिए ।
