काठमाडौं – नेपाल राष्ट्र बैंकका गभर्नर महाप्रसाद अधिकारीले World Bank, IMF, IFC जस्ता अन्तराष्ट्रिय संस्थाहरुको नाम बेचेर गरीरहेको अबैध धन्धाको पर्दाफास भएको छ । विभिन्न बाहाना बनाएर गरीरहेको अबैध धन्धा लुकाउन खोजे पनि प्राप्त प्रमाणहरुले अबैध धन्धाको खुलासा भएको छ ।
हामीले गभर्नर महाप्रसाद अधिकारीको अबैध धन्धा शिर्षक राखेर समाचार प्रकाशन गरेका थियौं । समाचारमा २२ वटा गाडीको प्रयोजन नेपाल राष्ट्र बैंकले देखाउन नसकेकोले ती सवारी साधन भाडामा दिई अबैध धन्धा गभर्नरले गरीरहेको दाबी गरीएको थियो ।
हेर्नुहोस् समाचार
हाम्रो उक्त समाचारको खण्डन गर्दै नेपाल राष्ट्र बैंकले वर्ड बैंक, आइएमएफ र आइएफसि संस्थाहरुलाई सावरी साधान उपभोग गर्न दिइएकोले सवारी साधान दूरुपयोग नभएको भनि खण्डन गरेको थियोे ।
नेपाल राष्ट्र बैंकले खण्डन गरेपछि हामीले World Bank, IMF र IFC सँग नेपाल राष्ट्र बैंकका सवारी साधन उपभोग गरेको विषयमा जिज्ञाषा राखेका थियौ ।
IMF ले हाम्रो जिज्ञाषाको कुनै प्रतिक्रिया दिएन । World Bank र IFC ले नेपाल राष्ट्र बैंकका कुनै पनि सवारी साधन उपभोग नगरेको जानकारी दिएको छ ।
पछिल्लो प्राप्त विवरण अनुसार ३६ वटा सवारी साधनहरु नेपाल राष्ट्र बैंकका गभर्नरले अबैध कार्यमा लगाएको देखिन्छ । सर्वसाधारणलाई देखाउन विभिन्न विदेशी संस्थाको नाम दिएर दूरुपयोग भएका सवारी साधन गभर्नर लगायत राष्ट्र बैंकका उच्च तहका कर्मचारीले सवारी साधन गर्लफ्रेण्ड, आफन्त, नेता तथा व्यापारीहरुलाई दिएका हुनसक्छ ।
राष्ट्र बैंकले के कति कारणले झूठो बोेल्यो ? कर्मचारीलाई झूठो लेख्न कस्ले लगायो ? हाम्रो प्रश्न नेपाल राष्ट्र बैंकका प्रबक्ता गुणाकर भट्ट, सूचना अधिकारी नारायण प्रसाद पोखरेल, र गभर्नर महाप्रसाद अधिकारीलाई थियो । उनिहरुले हाम्रो संचार गृहको नं. ब्लक गरेकाले सम्पर्क हुन सकेन । कार्यालयमा सम्पर्क गर्दा गभर्नर सम्पर्कमा आउन चाहेनन् ।
