चंखेली सम्वाददाता ।
बिज्ञापन (नियमन गर्ने) ऐन, २०७६ विपरीक कार्य गर्ने विभिन्न मिडीया विरुद्ध बिज्ञापन बोर्डमा उजुरी परेको छ । कान्तिपुर दैनिक, अन्नपूर्ण पोष्ट, नागरिक दैनिक, नयाँ पत्रिका, सेतोपाटी, रातो पाटी, हाम्रा कुरा लगायत ११ वटा छापा पत्रिका र अनलाईन विरुद्ध उजुरी परेको हो ।
बिज्ञापन (नियमन गर्ने) ऐनको दफा ९ को (१) र(२) दफा ११ र दफा १२ विपरीत कार्य गरेकोले ती मिडीयाहरुलाई दफा २५ अनुसार दहैसम्मको कारवाहि गर्न माग गरीएको छ ।
उल्लेखीत मिडीयाहरुले जनस्वास्थ्य सेवा ऐन, २०७५ र पत्रकार आचार संहिता २०७३ लाई ठाडै चुनौती दिदै मदिराको बिज्ञापन छापेका हुन् । जनतालाई कानून र इमानको पाठ सिकाउने मिडीया आफै कानून्को धज्जी उडाइरहेका छन् ।
बिज्ञापन बोर्डसँग ऐन विपरीत कार्य गर्नेलाई आवश्यक कारवाहि गर्ने अधिकार रहेको छ । बिज्ञापन बोर्डले मिडीया मात्र नभई बिज्ञापन दीनेलाई पनि करवाहि गर्न सक्ने अधिकार छ । उजुरीका आधारमा वा स्वयम आफै जागरुक भएर बिज्ञापन बोर्डले ऐनको लाज राख्छ राख्दैन ? त्यो हेर्न बाँकी छ ।
