धादिङ – स्थानीय तहको निर्वाचनमा थाक्रे गाँउपालिकाबाट गाँउपालिका अध्यक्षमा एमालेको २ जनाको उम्मेद्धारी परेपछि तनाव सिर्जना भएको छ । नेकपा एमालेको तर्फबाट सुरुमा पार्टीको पालिका अध्यक्ष समेत रहेका कृष्ण पन्तले उम्मेद्धारी दिएका थिए ।
त्यसलगतै निवर्तमान गाँउपालिका अध्यक्षसमेत रहेका रामकुमार आचार्यले पनि उम्मेद्धारी दिएपछि तनाव सिर्जना भएको हो । एमालेका कार्यकर्ताले थाक्रे निर्वाचन अधिकृतको कार्यालयमा कृष्ण पन्तको उम्मेद्धारीलाई बैधानिक गर्नुपर्ने मागसहित यतिबेला धर्ना र जुलुस गरिरहेका छन् ।
