शव्द रचनाः अस्मिता भण्डारी
आफ्ना अनि पराईलाई, चिन्न सक्नु पर्छ
हात समाई मित्रसँग, हिड्न सक्नु पर्छ ।
तब मात्रै दुस्मनलाई, जित्न सक्छौ साथी
पत्थरको पहाड पनि हिड्न सक्छौ साथी ।।
होइन भने दुस्मनले, छुरा हान्छ फेरि
तातो रगत र देशभक्ति, खेर जान्छ फेरि ।
आपस मैं नमिलेर, युद्ध जितिँदैन
तिम्रो मन भित्र पट्टि, माया मिसिँदैन ।।
थोपा थोपा एकै ठाउँमा, खस्नु पर्छ साथी
देशलाई माया गर्ने सँगै, बस्नु पर्छ साथी ।
होईन भने चन्द्र सूर्य झण्डालाई नै सोध
विश्व सामु नेपाली भई, बाँच्ने बाटो रोज ।।
तब मात्रै बैरिलाई जित्न सक्छौ साथी
पत्थरको पहाड पनि हिड्न सक्छौ साथी ।।
धन्यवाद !!
