सिन्धुपाल्चोक,
मेलम्ची खानेपानी आयोजना सम्पन्न भएर पानी पथान्तरण पश्चात प्रभावित क्षेत्रले पाउने लेभी सम्बन्धी नियमावली अन्तिम चरणमा पुगेको छ । खानीपानी मन्त्रालयले प्रारम्भिक खाका तयार गरेर एक पटक सरोकारवालासँग छलफल गरेको र फेरी सारेकारवालासँग छलफल गरेपछि अन्तिम रुप दिने पूर्व कानूनमन्त्री शेरबहादुर तामाङले जानकारी दिनुभयो ।
‘मेलम्ची खानेपानी आयोजना सम्पन्न भएर पानी पथान्तरण पश्चात प्रभावित क्षेत्रले पाउने लेभी सम्बन्धी नियमावली निर्माण गर्ने काम खानेपानी मन्त्रालयले अन्तिम चरण पू¥याएको छ । खानेपानी मन्त्रालयले प्रारम्भिक ड्राफ्ट तयार गरी सरोकारवालाहरुसँग छलफल गरी प्रभावित क्षेत्रको सुझावको आधारमा नियमावली निर्माणलाई प्राथमिकताका साथ छलफल गरेको छ ।’ तामाङले फेसबुकमा लेख्नु भएको छ, ‘प्रभावित क्षेत्रको सरोकारावालाहरुसँग पुनः छलफल गरेर नियमावलीलाई अन्तिम रुप दिईने छ । मन्त्रालयले नियमावलीको अन्तिम रुप दिएपछि कानून मन्त्रालय, अर्थ मन्त्रालय र वित्त आयोगको सहमतिको लागी पठाईने छ ।’
कानून मन्त्रालय, अर्थ मन्त्रालय र वित्त आयोगबाट स्वीकृती आएपछी मन्त्रिपरिषदले पास गरेपछी प्रभावित क्षेत्रले पाउने लेभी सम्बन्धी नियमावली लागु हुने पूर्वमन्त्री शेरबहादुर तामाङले जानकारी दिनुभयो । ‘सिन्धुपाल्चोक जिल्लाको लागी यो विषय दीर्घकालीन महत्व राख्ने बिषय हो । मन्त्रालयले नैं लेभी दिने सम्बन्धी नियमावली निर्माणलाई प्राथमिकतामा राखेर काम गरिरहेकोले मेलम्ची प्रभावित स्थानीय सरोकारवाला खुशी छौं ।’ तामाङले बताउनुभयो ।
