काठमाडौं – सानेपामा अहिले नेपाली कांग्रेसको पदाधिकारी बैठक सुरु भएको छ । बैठकमा संस्थापन पक्षका नेताहरु मात्र सहभागी रहेका छन् शेखर कोइराला समूह उनको निजी सचिवालयमा आन्तरिक छलफलमा रहेको बुझिएको छ ।
सानेपामा अहिले पार्टीका उपसभापति पूर्णबहादुर खड्को संयोजकत्वमा बैठक चलिरहेको छ । बैठक सोमबारको केन्द्रीय कार्यसमिति बैठकका एजेण्डा तय गर्न बसेको बताइएको छ ।
सानेपा बैठकमा कोइराला समूहका उपसभापति धनराज गुरुङ, महामन्त्री गगन थापा, सहमहामन्त्रीहरू जीवन परियार र बद्री पाण्डे सानेपा बैठकमा सहभागी नभएको बताइएको छ ।
