नेकपा एमालेका सांसदहरुले सभामुखले पार्टी टुक्र्याउन भूमिका खेलेको भन्दै बैठक अवरोध गरेका छन् ।
एमाले सांसदहरुको अवरोधका कारण संसद बैठक १५ मिनेटका लागि स्थगित भएको छ । बैठकमा एमालेका प्रमुख सचेतक विशाल भट्टराईले एमालेले कारवाही गरेका १४ सांसदहरुको हकमा सभामुख अग्निप्रसाद सापकोटाले सूचना सार्वजनिक नगरेको भन्दै आपत्ति जनाएका थिए ।
उनले एमाले टुक्रयाउन सभामुखले सहयोगी भूमिका निर्वाह गरेको भन्दै सभामुखसँग जवाफ समेत माग गरेका थिए । प्रमुख सचेतक भट्टराईले बोलेपछि एमालेका सांसदहरुले रोस्ट्रम घेराउ गरी अवरोध गरेका हुन् ।
