अविरल वर्षाको
कारण त्रिभुवन राजमार्ग स्थित नौबिसे चिसापानीमा पहिरो झर्दा राजमार्ग अवरुद्ध भएको छ। बिहानैदेखी सवारी साधनहरु राजमार्गमै रोकिएका छन् जसले गर्दा बिहीबारदेखि नवलपरासी र मुग्लिन रोकिएर सास्ती खेपेका हजारौं यात्रुहरु पुनः आइतबार बिहान थप मारमा परेका छन् ।
सवारी चाप अत्याधिक हुँदा स्काइभेटर ल्याउन समस्या भएको बताइएको छ । खानीखोलास्थित प्रहरी निरीक्षक दुर्गा थापाले नागढुंगा र खानीखोलामा रहेका उपकरणहरु पहिरो हटाउनका लागि आउँदै गरेको जानकारी दिनुभयो ।
सडकले धान्ने मापदण्ड विपरीत भार बोकेका अत्यधिक ढुवानी साधनहरु गुड्न थालेपछि राजमार्ग कमजोर हुँदै गएको प्रहरी निरिक्षक थापा बताउनुहुन्छ।।
