एजेन्सी – फ्रेन्च लिग वानमा पेरिस सेन्ट जर्मेन (पिएसजी)ले जित निकालेको छ । गएराति भएको खेलमा पीएसजीले लियोनलाई उसैको मैदानमा १–० गोल अन्तरले पराजित गरेको हो ।
पीएसजीको जितमा अर्जेन्टिनी फरवार्ड लियोनेल मेस्सीले गरेको गोल नै निर्णायक गोल बन्यो । उनले खेलमा पाँचौं मिनेटमा नेयमारको पासमा गोल गरेका थिए । यस सिजन लिग वानमा मेस्सीको यो चौथो गोल हो ।
लियोनलाई उसकै मैदानमा बल पोसेसन राख्दै दवाव बढाएपनि त्यसपछि थप गोल निस्कन नसक्दा पहिलो हाफको गोल नै पीएसजीलाई ३ अंक जोड्न पर्याप्त बन्यो ।
यस जितसँगै शीर्षस्थानमा रहेको पिएसजीको ८ खेलबाट २२ अंक पुगेको छ । दोस्रो स्थानको मार्सेको २० अंक छ । पराजित लियोन १३ अंक जोडेर छैटौं स्थानमा छ ।
