काठमाडौं – खातामा पर्याप्त रकम नहुँदा पनि चेक दिएर बाउन्स भएपछि फरार एक अभियुक्त घर नजिकैको झाडीमा लुकेको अवस्थामा पक्राउ परेकी छन् । आफ्नो खातामा पर्याप्त रकम नभएको अवस्थामा पनि तीन लाख रुपैयाँको चेक दिई चेक बाउन्स भएपछि उजुरी परेको आधारमा प्रहरीले ती अभियुक्तको खोजी गरेको थियो।
पीडित पक्षको उजुरीपछि कास्की प्रहरीले बागलुङको ताराखोला गाउँपालिका–१ स्थायी घर भइ पोखरा महानगरपालिका–२ मिरुवा बस्ने २७ वर्षीया दीक्षा पुनलाई प्रहरीले पक्राउ गरेको हो।
उनलाई कास्कीकै अन्नपूर्ण गाउँपालिका–८ वीरेठाँटीस्थित नियालो घारीमा लुकेको अवस्थामा प्रहरीले फेला पारेको हो। पुनलाई उच्च अदालत पोखराबाट बैंकिङ कसुर मुद्दामा ७ दिनको म्याद थपेर अनुसन्धान प्रकृया अगाडि कास्की प्रहरीले जनाएको छ ।
