काठमाडाैं – अर्थमन्त्रीमा जनार्द्धन शर्मा पुन: नियुक्त हुनुभएकाे छ । प्रधानमन्त्री शेरबहादुर देउवाको सिफारिसमा राष्ट्रपति विद्यादेवी भण्डारीले शर्मालाई अर्थमन्त्रीमा नियुक्त गर्नुभएकाे हाे ।
यसअघि प्रधानमन्त्री शेरबहादुर देउवाले सम्हाल्दै आउनुभएकाे अर्थमन्त्रालयको जिम्मेवारी शर्माले सम्हाल्ने गरी नियुक्ति गरिएको राष्ट्रपति कार्यालयले जारी गरेकाे विज्ञप्तिमा जनाइएकाे हाे ।
नेपालको संविधानको धारा ७६ को उपधारा (९) बमोजिम राष्ट्रपति भण्डारीले प्रधानमन्त्रीको सिफारिसमा शर्मालाई मन्त्री पदमा नियुक्त गरी हाल प्रधानमन्त्रीले सम्हाली आएको अर्थ मन्त्रालयको कार्यभार सम्हाल्ने गरी नियुक्ति एवं कार्यभार ताेक्नुभएकाे छ ।
नवनियुक्त अर्थमन्त्री शर्माकाे पद तथा गाेपनीयताकाे सपथ अहिले केहीबेर (साँझ साढे ५ बजे) मा हुने राष्ट्रपति कार्यालयले जनाएकाे छ ।
