काठमाडौँ – सोमबार सुनको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आइतबारको तुलनामा सोमबार सुनको भाउ प्रतितोला एक सय रुपैयाँले घटेको हो ।
आइतबार प्रतितोला ९४ हजार ५०० रुपैयाँमा कारोबार छापावाल सुन सोमबार एक सय रुपैयाँ घटेर ९४ हजार ४०० रुपैयाँमा कारोबार हुने भएको छ ।
त्यस्तै, आज तेजावी सुनको भाउ प्रतितोला ९३ हजार ९०० रुपैयाँ कायम भएको छ । यसअघि तेजावी सुन ९४ हजार रुपैयाँमा कारोबार भएको थियो । यता, चाँदीको भाउ भने स्थिर रहेको महासंघले जनाएको छ । आज चाँदी प्रतितोला एक हजार १५५ रुपैयाँमा कारोबार गर्न सकिनेछ ।
