काठमाडौं – नेकपा (माओवादी केन्द्र) को केन्द्रीय समितिको बैठक आजबाट काठमाडौंमा सुरु भएको छ ।
काठमाडौंको प्रज्ञा भवन कमलादीमा अध्यक्ष पुष्पकमल दाहाल ‘प्रचण्ड’ ले एजेण्डाका बारेमा जानकारी गराउदै बैठक सुरु गर्नुभएको हो ।
तीन दिनसम्म चल्ने बैठकमा बैठक सञ्चालन प्रक्रियाबारे अध्यक्षबाट जानकारी, प्रदेशहरुका तर्फबाट संक्षिप्त रिपोर्टिङ हुने छ ।
त्यस्तै अध्यक्षबाट वर्तमान परिस्थितिबारे रिपोर्ट, संगठनात्मक विषयका बारेमा पनि छलफल हुने माओवादीले जनाएको छ ।
संगठनात्मक विषयमा पोलिट्व्युरो, स्थायी कमिटी र पदाधिकारी चयनका बारेमा छलफल हुने अध्यक्ष प्रचण्डले जानकारी दिनुभयो ।
त्यस्तै स्थानीय निर्वाचनको समीक्षा, आगामी प्रदेश र संघको निर्वाचनको तयारीका बिषयमा पनि बैठकमा छलफल हुने उहाले बताउनुभयो ।
बैठकमा प्रचण्डले केन्द्रीय समितिका नयाँ सदस्यहरुको शपथ गराउनुभएको थियो ।
