धादिङ – पृथ्वी राजमार्गअन्तर्गत धादिङको थांक्रे गाउँपालिका–१ ढाँडेमा ट्रकले अटोलाई ठक्कर दिंदा एक जनाको मृत्यु भएको छ । काठमाडौंबाट गजुरीतर्फ जाँदै गरेको ना ६ ख १२७२ नम्बरको ट्रकले विपरीत दिशामा गुडिरहेको वाग्मती प्रदेश ०३–००१ ह १८१७ नम्बरको अटोलाई ठक्कर दिएको हो ।
दुर्घटनामा नीलकण्ठ नगरपालिका वडा नम्बर ५ फ्याक्से घर भई बेलकोटगढी नुवाकोट बस्ने ३० वर्षका अटोचालक कमल श्रेष्ठको घटनास्थलमै मृत्यु भएको प्रहरीले जनाएको छ । ठक्कर दिने ट्रक र ट्रकका चालकलाई नियन्त्रणमा लिइएको जिल्ला प्रहरी कार्यालय धादिङले जनाएको छ ।
