काठमाडौं – पछिल्लो एक सातादेखि निरन्तर रूपमा वृद्धि भएको नेप्से परिसूचक बुधबार पनि सामान्य अंकले वृद्धि भएको छ ।
बुधबार नेप्से परिसूचक ४.८९ अंक बढेर २०५०.५९ बिन्दुमा पुगेको हो । बुधबार कारोबारमा आएका दुई सय १५ कम्पनीको ४१ लाख ३३ हजार कित्ता सेयर एक अर्ब ७३ करोड १८ लाख ३२ हजार रुपैयाँबराबरको खरिदबिक्री भएको छ ।
बुधबार नेप्से परिसूचक झिनो अंकले बढे पनि कारोबार रकम भने गिरावट भएको छ । मंगलबार दुई अर्ब २९ करोडको सेयर कारोबार भएको थियो । बुधबार नेप्सेका १३ उपसमूहमध्ये आठ उपसमूहको परिसूचक बढेको छ भने बाँकी पाँच उपसमूहको परिसूचक घटेको छ । जसमा विकास बैंक, वित्त, लगानी, उत्पादन तथा प्रशोधन, लघुवित्त, म्युचुअल फन्ड, निर्जीवन बिमा कम्पनी र अन्य उपसमूहको परिसूचक बढेको छ भने बाँकी अन्य उपसमूहको परिसूचक घटेका छन् ।
