काठमाडौं – ब्रिलियन्ट क्याम्पसमा बिएसडब्लु अध्ययनरत विद्यार्थीहरुको समुह ‘द फायरफ्लाइज’ ले रक्तदान कार्यक्रम आयोजना गर्ने भएको छ।
‘लायन्स क्लब अफ काठमाडौंको सहकार्यमा साउन २६ गते विहिबार बिहान ७:३० देखि दिउँसो १२:०० बजेसम्म सिफलस्थित ब्रिलियन्ट क्याम्पसमा रक्तदान कार्यक्रमको आयोजना गर्न लागेको हो ।
पढाइसँगै विद्यार्थीहरु सामाजिक कार्यमा पनि सक्रिय हुनुपर्छ भन्ने उद्देश्यले रक्तदान कार्यक्रम गर्न लागिएको हो ।
हाम्रो एक थोपा रगतले कसैको जीवन बच्न सक्ने हुँदा रक्तदान कार्यक्रममा सहभागी हुन विद्यार्थीहरुले अनुरोध गरेका छन् ।
यो रक्तदान कार्यक्रमले विभिन्न कारणबस देखिएको रगतको अभाबलाइ केही हदसम्म सहजता दिने विद्यार्थीहरुको विश्वास रहेको छ।
