काठमाडौं – रवि लामिछानेले गठन गरेको ‘राष्ट्रिय स्वतन्त्र पार्टी’ निर्वाचन आयोगमा दर्ता भएको छ । शुक्रबार आयोगले उक्त दललाई दर्ता गर्ने निर्णय गरेको हो । उनको पार्टीकाे दर्ता नम्बर १८७ रहेकाे छ ।
सञ्चारकर्मलाई छोडेर लामिछानेले ७ असारमा पार्टी खोलेको घोषणा गर्दै आयोगमा औपचारिक रूपमा दर्ताका लागि निवेदन दिएका थिए । लामिछानेले निवेदन दिएको १० दिनमै आयोगले दल दर्ता गरेको छ ।
पार्टीको नामलाई लिएर उत्पन्न विवाद किनारा लगाउँदै आयोगले सोही नामलाई मान्यता दिएको हो ।
पार्टीका प्रवक्ता मुकुल ढकालले प्रस्तावित चुनावचिन्ह गोलाकारभित्रको घण्टी पाएको बताए । यो चुनावचिन्ह अरु पार्टीले नपाएकाले आयोगले स्वीकार गरेको छ ।
