काठमाडौ – नेपाल सरकारले सातामा २ दिन बिदा दिइ बिहान ९ः३० बजेदेखि साँझ ५ः३० बजेसम्म कार्यालय समय तोकिएको भएपनि खानेपानी मन्त्रालयका ठुला कर्मचारीहरुनै समयमा नआउने गरेको पाईएको छ ।
हामिले आज विहान ९:३० बजेदेखि १० बजेसम्म कार्यालय समयमा खानेपानी मन्त्रालयका सचिव, प्रवक्ता र सुचना अधिकारीलाइ कार्यालयका फोनमा फोन गर्दा सचिव नआइपुगेको पाइयो भने प्रवक्ताको फोन नै उठेन त्यस्तै सुचना अधिकारीको भने फोन नै लागेन।
खानेपानी मन्त्रालयका सचिव सुरेश आचार्यको वेवसाइटमा भएको फोन न ०१-४२११६९३ मा ९:३८ मा फोन गर्दा फोन उठेपनि उनि कार्यालय नआइपुगेको जानकारी हामिलाइ भयो। खानेपानी मन्त्रालयकै सह सचिव (प्रवक्ता)ज्ञान प्रसाद ढकालको वेवसाइटमा भएको फोन नम्बर ०१-४२००५०७ मा ९:४० मा फोन गर्दा फोन उठेन फोन नउठेपछि उनि पनि समयमा कार्यालय नआइपुगेको पाइयो।
त्यस्तै खानेपानी मन्त्रालयकै सुचना अधिकारी विनोद कुमार खनालको वेवसाइटमा भएको फोन नम्बर ०१-४२००४८६ नम्बरमा पटक पटक फोन गर्दा पनि फोन लाग्न सकेन।
यसरि कार्यलयका प्रमुख व्यक्तिहरुनै समयमा कार्यालय नआएपछि सरकारी कार्यालयहरूको अवस्था के होला बेलैमा सम्बन्धित निकायको ध्यान जान जरुरी छ ।
