काठमाडौ – नेपाल सरकारले सातामा २ दिन बिदा दिइ बिहान ९ः३० बजेदेखि साँझ ५ः३० बजेसम्म कार्यालय समय कायम गरिएको भएपनि यातायात व्यवस्था विभागका कर्मचारीहरु समयमा नै कार्यालय नआउने गरेको पाईएको छ । चंखेली खबरले कार्यालयबाट कार्यालयमा छड्के गर्ने क्रममा यो तत्थ्य बाहिर आएको छ ।
हामिले आज विहान ९:३० बजेदेखि १० बजेसम्म कार्यालय समयमा यातायात विभागका विभिन्न कार्यालयहरुमा फोन गर्दा धेरैकोमा फोन नै उठेन।
यातायात व्यवस्था विभाग मिनभवनको वेवसाइटमा भएको फोन न ०१-४४७४९२१ नम्वरमा ५ पटक फोन गर्दा ३ पटक लागेन भने २ पटक लागेको फोन समेत उठेन। त्यस्तै यातायात व्यवस्था विभाग मिनभवन को सूचना अधिकारी लोकनाथ भुसालको फोन नं ०१४४७९६९० मा पटक पटक फोन लागेपनि उठेन।
यातायात व्यवस्था कार्यालय चावहिलको हालत पनि त्यस्तै छ। यातायात व्यवस्था कार्यालय चावहिलको वेवसाइटमा भएको फोन नं ०१४५६९५११ मा पनि पटक पटक फोन गर्दा फोन उठेन ।
यातायात व्यवस्था विभाग जगातिको फोन नम्वर ०१६६१५२११ मा फोन गर्दा पनि फोन उठेन ।
यसरी पटक पटक फोन गर्दा समेत फोन नउठेपछि यातायात व्यवस्था विभागका कर्मचारीहरु समयमा नै कार्यालयमा नआएको पाइयो ।
काम चोर कर्मचारीहरु समयमा कार्यालय नआएकोमा सम्बन्धित निकायको ध्यान जाओस् ।
