मर्नु सिवाय म सँग अरु समस्याको हल थिएन

गजल

तिम्रो याद बिना बाँच्नु मलाई एक पल थिएन
निस्वार्थ प्रेम गरेकि थिएँ ममा कुनै छल थिएन

बलिन्द्र अश्रु धारा बगाएर यो मन हल्का गर्छु
तिम्रो साथ त के आँसु पुछ्ने मलमल थिएन

तड्पाईमा कति रात गुजारें गनि साध्य छैनन्
उठेन तिम्रो फोन नभन गरेको एककल थिएन

आयौ गयौ सुन्छु हल्ला भेट्नै आएनौ तिमी
यो पुष्टि हुन्छ मनमा मायाको तलतल थिएन

गाउँभरी हल्ला थियोे मुख देखाई बाँच्नु कसरी
मर्नु सिवाय म सँग अरु समस्याको हल थिएन

✍️शर्मिला सापकोटा, नवलपुर