काठमाडौं,
निर्वाचन आयोगले केन्द्र, प्रदेश र स्थानीय तहमा प्रतिनिधित्व गर्ने दलहरूका प्रमुख एवं प्रतिनिधिसँग आइतबार निर्वाचनका विषयमा छलफल गरेको छ।
मतदान केन्द्र, स्थल र मतदाता नामावली अद्यावधिक लगायतका विषयमा दलहरूका प्रतिनिधिसँग छलफल गरिएको आयोगका प्रवक्ता राजकुमार श्रेष्ठले जानकारी दिनुभयो ।
प्रधानमन्त्री केपी शर्मा ओलीले प्रतिनिधिसभा विघटन गरेपछि परेको मुद्दामा सर्वोच्च अदालतमा निरन्तर सुनुवाइ चलिरहेका बेला निर्वाचन आयोगले दलहरूसँग निर्वाचन कार्यक्रमबारे छलफल गरेको छ ।
मतदान केन्द्र र मतदान स्थलहरू थपघट गर्नेबारे आयोगले दलहरूसँग परामर्श गरेको छ ।
