महावीर पुन,
लौ हेर्नुहोस् बुधबार राष्ट्रिय आविष्कार केन्द्रमा ल्याइएको सर्जिकल मास्क बनाउने पुरानो मेशीन । यो मेशीनबाट महिलाहरुको सेनिटरी प्याड पनि बनाउन कोशिस गर्नेछौं । तपाईहरुले हामीलाई कबाडी चाहि नभन्नु होला है त । हाम्रो मुख्य उद्देश्य सामानहरु मर्मत गर्ने केन्द्र पनि होइन भन्ने जानकारी पनि दिन चाहन्छु ।
यो पुरानो मशीन श्रेष्ठ सर्भिसेस प्रा.लि. बालकुमारीका भाई अनिल बाबु श्रेष्ठ र मायादेबी कन्सट्रक्सन कम्पनी कौशलटारको भाई कुमार कुँवरले दिएका हुन् । उनीहरुले कोरोनाको महामारीको समयमा सर्जिकल मास्क बनाएर बेच्ने उदेश्यले यो मशीन किनेका रहेछन तर टेक्निसियनको अभाव र अन्य कारणले गर्दा सो मेशीन चलाउन नसकेर थन्क्याएर राखेका रहेछन् ।
उनले यो मशीन आविष्कार केन्द्रले चलाए हुन्छ भनेर भनेको हुनाले आज ल्याईएको छ । यसलाई सफाई र अलिअलि मर्मत गरेर चलाउन कोसिस गरिनेछ । यसबाट प्रतिदिन ७० हजार सर्जिकल मास्क बन्छ रे । साथै यसमा अलिकति दिमाग लगायो भने यहि मशीनबाट महिलाहरुको लागी चाहिने सेनिटरी प्याड पनि बनाउन सकिन्छ रे ।
हेरौं यो पुरानो मेशीनबाट कत्तिको फाइदा हुने काम गर्न सकिने रहेछ । भाईहरुलाई धेरै धन्यबाद छ ।
