मुगु जिल्लाको छायानाथ रारा नगरपालिकामा रहेको नेपाली एक रुपैंयाँको नोट (हाल प्रचलनमा नरहेको) मा अंकित चंखेली हिमाललाई आधार मानेर तयार गरिएको चंखेलीखबर डट कममा यहाँलाई स्वागत छ । टाकुराबाट आधा नेपालका मनमोहक दृश्यावलोकन गर्न सकिने विश्वास गरिएको कर्णालीकै सबैभन्दा अग्लो चंखेली हिमालको प्रचार प्रसारसँगै राष्ट्रिय अन्तर्राष्ट्रिय चासोका विषयहरुको खोज गरी प्रकाशन गर्ने उद्धेश्यले यो अनलाईन पोर्टल सुरु गरिएको छ । यस अनलाईन पोर्टलले विशेष गरी खोजमुलक सामग्रीहरुलाई प्रकाशन गर्नेछ । समाचार (राजनीति, समाज, शिक्षा, स्वास्थ्य, अर्थतन्त्र, अन्तर्राष्ट्रिय) साहित्य, कला, फोटो समाचार, सम्मादकीय, सफलताका कथा मार्फत देश विदेशका महत्वपूर्ण घटनाक्रम, जानकारीहरु, सार्वजनिक निकायले सम्पादन गरेका काम र भएका प्रगति लगायतलाई तपाई सामु पस्कने जमर्कोमा छौं ।
हामी सूचनाको हक सम्बन्धी ऐन २०६४ कार्यान्वयनका लागि नेपाल सरकारलाई सघाउँदै सार्वजनिक सम्पत्तिको संरक्षण तथा सदुपयोगका लागि राज्यको चौथौं अँगको रुपमा सच्चा पहरेदारी गर्ने प्रतिवद्धता व्यक्त गर्दछौं । सुशासनको प्रवर्दन गर्दै पारदर्शीता, जवाफदेहिता, विधिको शासन र मानव अधिकारको प्रत्याभूतीका लागि सरोकारवालालाई हरबखत खबरदारी गर्ने प्रणका साथमा सुरु गरिएको सञ्चार अभियानमा यहाँको साथ र सहकार्यको अपेक्षा गरेका छौं ।
हामी यहि मँगलबारबाट विभिन्न सामग्रीहरु प्रकाशन सुरु गर्दैछौं । तपाईले पनि आफ्नो गाउँठाउँका समाचारहरु र विदाको समयमा सञ्चालन भएका सरकारी सवारी साधनहरुको फोटो पठाएर सरकारी सम्पत्तिको दुरुपयोग हुनबाट बचाउन दबाब श्रृजना गरौं ।
सम्पादक
चंखेलीखबर डट कम
