काठमाडाैं – सरकारले धिरज प्रताप सिंहलाई २९औँ प्रहरी महानिरीक्षक (आईजीपी)मा नियुक्त गरेको छ ।
आइतबार प्रधानमन्त्रीको सरकारी निवास बालुवाटरमा बसेको मन्धिपरिषद बैठकले प्रहरी अतिरिक्त महानिरीक्षक (एआईजी) सिंहलाई आईजीपीमा बढुवा गरेको हो ।
नेपाल प्रहरीका वर्तमान महानिरीक्षक शैलेश थापा क्षेत्री ३० वर्षे सेवा अवधि पुरा गरेर आइतबार मध्यरातबाट अवकाशमा जाँदै हुनुहुनछ । उहाँ २०७७ असार २३ मा प्रहरी महानिरीक्षक नियुक्त भएकाे थियाे ।
नेपाल प्रहरीको कमाण्ड समाल्न सिंहसँगै अरु तीन जना अतिरिक्त महानिरीक्षक (एआईजी) प्रतिस्पर्धामा थिए ।
२०४९ चैत ११ मा इन्स्पेक्टरमा भर्ना भएका विश्वराज पोखरेल, सहकुलबहादुर थापा र रबिन्द्रबहादुर धानुकलाई पछि पार्दै सिंह आईजीपीमा नियुक्त भएका हुन् ।
