काठमाडौं – नेपालमा सर्वसाधारण नागरिकले राज्यका तर्फबाट पाउने सेवा सुविधा लिन त्यती सजीलो छैन । अधिकांश सरकारी कर्मचारीहरु काम ठग र घुस्या भएकाले सेवाग्राहीले सजिलै सेवा पाउँदैनन्।
त्यस्तै ठग प्रवृत्ति सर्वसाधारणसँग प्रत्यक्ष सरोकार राख्ने यातायात क्षेत्रको यातायात व्यवस्था विभागमा देखिएको छ। यातायात व्यवस्था विभागको कार्यालयमा फोन गर्दा फोन लाग्दैन भने लागेको फोन उठ्दैन । हामिले आज विहान १० बजेदेखि ११ बजेसम्म कार्यालय समयमा यातायात विभागका विभिन्न कार्यालयहरुमा फोन गर्दा धेरैकोमा फोन नै लागेन भने लागेको फोन पनि उठेन।
यातायात व्यवस्था विभागको मिनभवनको वेवसाइटमा भएको फोन न ०१-४४७४९२१ नम्वरमा ४ पटक फोन गर्दा २ पटक लागेन भने २ पटक लागेको फोन समेत उठेन। त्यस्तै यातायात व्यवस्था विभाग मिनभवन को सूचना अधिकारी लोकनाथ भुसालको फोन नं ०१४४७९६९० मा ६ पटक फोन गर्दा समेत फोन लागेन।
यातायात व्यवस्था कार्यालय चावहिलको हालत पनि त्यस्तै छ। यातायात व्यवस्था कार्यालय चावहिलको वेवसाइटमा भएको फोन नं ०१४५६९५११ मा फोन गर्दा फोन लागेपनि उठेन भने चावहिलकै सुचना अधिकारी नविना रिजालको ९८५१२२६७६५ नम्वरमा फोननै लागेन।
यातायात व्यवस्था विभागको एकान्तकुनाको वेवसाइटमा त कार्यालयको फोन नम्वर समेत राखिएको छैन। नागरिकलाइ सहज हुनुपर्ने सरकारी कार्यालय ठग कर्मचारीले गर्दा असहज हुँदै गइरहेको छ।
ठग कर्मचारीहरुलाइ कारवाहि गर्न सम्बन्धित निकायको ध्यान जाओस् ।
