काठमाडौं – बनलाइनै पहेँलपुर बनाएर फल्ने ऐंसेलु फल काँडा भित्र लुकेको एउटा बुट्यान अर्थात् झाडीभित्र पाइन्छ ।अग्रेंजीमा गोल्डेन हिमालयन र्यास्पबेरि भनिने ऐसेलुको नेपालमा सामाजिक, सास्कृतिक अनि जिवनशैलीगत पहिचान धेरै छ ।
ऐसेलु खासमा गुलाफ प्रजातीको एकथरिको वनस्पती हो । ५ मिटरसम्म लामो डाँठ हुने यस बुट्यानको उचाई भने १२ फिट सम्म हुनसक्दछ ।
यो फल मात्र हैन एक अचुक जडिबुटी समेत हो । रुघा, खोकी, टाईफाईट जस्ता घातक रोगका औषधि बनाउनपनि यसको प्रयोग हुने गरेको पाइन्छ ।
नेपाली जंगलमा सून जस्तै टलक्क टल्किएर पहेलपुर देखिने फलहरुको राजा यस ऐसेलुको पछिल्लो समय विश्वको महंगो वाईन समेत बन्ने गरेको छ।
यसरी नेपालको जंगलमा पाइने जंगली सुन ऐसेलुलाइ सहज प्रसोधन र व्यावसायिक खेती गरि विश्व बजारमा ऐसेलु वाइन पठाउन सके आर्थिक समृद्धि समेत हुने देखिन्छ।
