काठमाडौँ – साताको पहिलो कारोबारको दिन आज नेप्से परिसूचक ४० अंकभन्दा बढीले गिरावट आएको छ । पछिल्लो समय निरन्तर रुपमा गिरावट हुँदै आएको नेप्से परिसूचक आज ४१.४३ अंक घटेर २ हजार ५७२.२३ विन्दुमा झरेको हो ।
त्यस्तै, सेन्सेटिभ इण्डेक्स ९.५५ अंक घटेको छ भने फ्लोट इण्डेक्स २.६६ अंक र सेन्सेटिभ फ्लोट इण्डेक्स २.५ अंकले घटेको छ । आज कारोबारमा आएका २३२ कम्पनीको ८९ लाख २३ हजार कित्ता शेयर ४ अर्ब ९८ करोड ९५ लाख १४ हजार रुपैयाँ बराबरको खरिदबिक्री भएको छ ।
नेप्सेका १३ उपसमूहमध्ये निर्जीवन बीमाबाहेक अन्य सबै उपसमूहको परिसूचक घटेको छ ।
